हेटौँडामा कार दुर्घटना, पोखरा-११ का पुरण श्रेष्ठसहित तीन जना घाइते

मकवानपुर । मकवानपुरमा सवारी दुर्घटना हुँदा तीन जना घाइते भएका छन् । हेटौँडा-९ मास्टरचोकमा एलपि ग्यास बुलेटले ग३च ८४४९ नम्बरको कारलाई ठक्कर दिँदा दुर्घटना भएको हो ।

घाइते हुनेमा पोखरा महानगरपालिका वडा नं ११ का ६३ वर्षीया पुरण श्रेष्ठ, कार चालक जिल्ला स्याङ्जा अर्जुनचौपारी नगरपालिका वडा नं १ का ३३ वर्षीय चूडाबहादुर बिष्ट, लमजुङ बेंसीसहर नगरपालिका वडा नं ८ का १७ वर्षीया नेहा राना मगर छन् ।

घाइतेको हेटौंडास्थित सन्चो अस्पताल उपचार भइरहेको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए ।