मुस्ताङमा हिमपहिरो : बोक्सीखोला थुनियो, सतर्क रहन प्रशासनको आग्रह

पोखरा । मुस्ताङमा आज दिउँसाे हिमपहिरो गएको छ । मुस्ताङको थासाङ गाउँपालिका वडा नं २ को कोबाङमा हिमपहिरो जाँदा बोक्सीखोला थुनिएको बताइएको छ ।

खोला थुनिएपछि जिल्ला प्रशासन कार्यालय मुस्ताङले सचेत रहन अनुरोध गरेको सहायक प्रमुख जिल्ला अधिकारी एवं सूचना अधिकारी रामप्रसाद सुवेदीले जानकारी दिए ।

पहिरोस्थल जोमसोमबाट करिब १७ किलोमिटर पर रहेको उनले बताए । सोही स्थानमा ३ वर्ष अघि कात्तिक महिनामा हिमपहिरो गएको थियो ।