६ घण्टामा सकियो रवि लामिछानेसँगको बयान

पोखरा । सहकारी ठगीसम्बन्धी विशेष संसदीय छानबिन समितिले पूर्वगृहमन्त्री रवि लामिछाने तथा ग्यालेक्सी टिभीको माउ कम्पनी गोर्खा मिडियाका तत्कालीन प्रबन्ध निर्देशक रवि लामिछानेसँग ६ घन्टा लामो बयान लिएको छ ।

समितिले लामिछानेसँग शुक्रबार अपराह्न साढे ४ देखि राति साढे १० बजेसम्म बयान लिएको थियो ।

बयानमा रविले ५० वटा प्रश्नको जबाफ दिएको बताइएको छ ।

बयानमा लामिछानेले आफूले प्रबन्ध निर्देशकको रूपमा दैनिक काम गरेको र आर्थिक जिम्मेवारी जिबी राईले नै जुटाउने गरेको बताएका छन् । लामिछानेले यसबारे राईलाई नै थाहा हुने बताएका हुन् ।