प्रस्याङ रातामाटा आमा समूहको अध्यक्षमा शर्मा

पोखरा । पोखरा महानगरपालिका वडा नं. ५ स्थित प्रस्याङ रातामाटा आमा समूहको अध्यक्षमा सीता शर्मा चयन भएकी छन् ।

समूहको शनिबार सम्पन्न १६औँ साधारणसभा तथा छैठौँ अधिवेशनले शर्मालाई सर्वसम्मत अध्यक्षमा चयन गरेको हो ।

समूहको वरिष्ठ उपाध्यक्षमा लक्ष्मी दाहाल, उपाध्यक्षमा सीता अधिकारी, सचिवमा सकुन्तला आचार्य, कोषाध्यक्षमा रञ्जिता केसी र सहसचिवमा भगवती पौडेल छन् ।

यस्तै, कार्यसमिति सदस्यमा खिकुमारी सापकोटा, गंगाकुमारी शर्मा, विष्णुमाया दुवाडी, मनु क्षेत्री, विमला देवकोटा, रीता शाह, देवी पौडेल गौतम, अनिता पौडेल र तारा ढकाल छन् ।