पोखरा-२७ स्थित लिटल फ्लावरमा कक्षा ११ का विद्यार्थीलाई स्वागत

पोखरा । पोखरा महानगरपालिका वडा नं २७ रिठेपानीस्थित लिटल फ्लावर एजुकेसनल एकेडेमीमा नवआगन्तुक विद्यार्थीलाई स्वागत गरिएको छ । विद्यालयको कक्षा १२ मा अध्ययनरत विद्यार्थीले कक्षा ११ मा भर्ना भएका विद्यार्थीलाई स्वागत गरेका हुन् ।

सो अवसरमा विद्यालयका प्राचार्य विकल पौडेलले विद्यालयको पृष्ठभूमि, नीति तथा नियमबारे विद्यार्थीलाई जानकारी गराएका थिए ।

कार्यक्रममा कक्षा ११/१२ का संयोजक विष्णुहरि पौडेल, शिक्षक गंगाधर बराल, सुरेश सुनार, मिलन सापकोटा, अतिरिक्त क्रियाकलाप प्रमुख जिचित्र न्यौपानेलगायतले बोलेका थिए ।

उनीहरुले नवागन्तुक विद्यार्थीले विद्यालयको नीति नियममा रहेर उत्कृष्टता हासिल गर्नुपर्नेमा जोड दिए ।

कक्षा १२ मा अध्ययनरत समीर गुरुङको अध्यक्षतामा भएको कार्यक्रममा सन्ध्या नेपालीले स्वागत र सरला परियारले सञ्चालन गरेकी थिइन् ।

सो अवसरमा विद्यार्थीले विविध सांस्कृतिक प्रस्तुति प्रस्तुत गरेका थिए ।