चट्याङ लागेर प्रधानाध्यापक कार्कीको मृत्यु

सल्यान । सल्यानमा चट्याङ लागेर एक जनाको मृत्यु भएको छ । मृत्यु हुनेमा सल्यानको कालिमाटी गाउँपालिका वडा नं १ लक्ष्मीपुर सातलखोलाका ५६ वर्षीय दलबहादुर कार्की रहेकना छन् ।

उनी स्थानीय कालीदेवी प्राथमिक विद्यालयका प्रधानाध्यापक हुन् ।

प्रहरीका अनुसार घरनजिकै गाईबाख्रा चराउन गोठालो गएको समयमा सोमबार चट्याङ लागेर उनी घाइते भएका थिए ।

जिल्ला प्रहरी कार्यालय सल्यानका प्रहरी निरीक्षक भवानीप्रसाद धमलाका अनुसार घाइते भएका कार्कीलाई उपचारका लागि जिल्ला अस्पताल लैजाँदै गर्दा बाटोमा नै मृत्यु भएको हो ।

उनको शव पोस्टमार्टम गरी परिवारलाई बुझाइएको छ ।