शिक्षासेवी एवं सामाजिक अगुवा विश्वबन्धु पौडेलको निधन

पोखरा । शिक्षासेवी एवं सामाजिक अगुवा विश्वबन्धु पौडेलको निधन भएको छ ।

कास्कीको अन्नपूर्ण गाउँपालिका पाउँदुरस्थित धारापानी माविका पूर्वप्रधानाध्यापकसमेत रहेका पौडेलको ६७ वर्षको उमेरमा आइतबार निधन भएको हो ।

आन्द्राको समस्याबाट पीडित पौडेलको पोखरास्थित मणिपाल शिक्षण अस्पतालमा उपचारक्रममा मृत्यु भएको हो ।

पौडेलको आइतबार नै रामघाटमा अन्त्येष्टि गरिएको थियो ।

उनलेले लुम्लेस्थित तत्कालीन सिद्ध स्कुलमा सेवा गरेका थिए । ढिकुरपोखरीका विभिन्न सामाजिक संघसंस्थामा सक्रिय थिए ।

उनका श्रीमती, छोराबुहारी, पाँच छोरीज्वाइँ, सात नाति र तीन जना नातिनी छन् ।