बसको ठक्करबाट एक महिलाको मृत्यु, बसचालक पक्राउ

पोखरा । काभ्रेमा बिहीबार साँझ बसको ठक्करबाट एक महिलाको ज्यान गएको छ । मृत्यु हुने महिलाको सनाखत हुन सकेको छैन ।

जिल्लाका भुम्लु गाउँपालिका वडा नं १० स्थित ५६ किलो भन्ने स्थानमा काठमाडौंबाट बाह्रबिसेतर्फ गइरहेको बा२ख ९०६४ नम्बरको बसले सडकमा हिंडिरहेकी ती महिलालाई ठक्कर दिएको थियो ।

प्रहरीका अनुसार बसको ठक्करबाट गम्भीर घाइते भएकी ती महिलाको धुलिखेल अस्पतालमा उपचारका क्रममा चिकित्सकले गए राति मृत घोषणा गरेको हो ।

बस चालक सिन्धुपाल्चोकको बलेफी गाउँपालिका-८ का ५१ वर्षीय रामबहादुर तामाङलाई प्रहरीले नियन्त्रणमा लिएको जिल्ला प्रहरी कार्यालय काभ्रेका प्रवक्ता एवं डीएसपी राजकुमार श्रेष्ठले जानकारी दिए ।