सुनको मूल्य घट्यो, कतिमा हुँदैछ कारोबार ?

पोखरा । नेपाली बजारमा आज तोलामा तीन सय रुपैयाँले घटेको छ ।

मूल्य घटेसँगै आज सुनको भाउ तोलामा एक लाख ५२ हजार नौ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

बिहीबार सुनको भाउ तोलामा अहिलेसम्मकै उच्च एक लाख ५३ हजार दुई सय रुपैयाँ पुगेको थियो ।

यस्तै आज चाँदीको भाउ पनि १० रुपैयाँले घटेको छ ।

हिजो तोलाको एक हजार आठ सय ३० रुपैयाँ रहेको चाँदीको भाउ आज १० रुपैयाँले घटेर एक हजार आठ सय २० रुपैयाँ कायम भएको महासङ्घले जनाएको छ ।