आज पनि घट्यो सुनचाँदीको भाउ

पोखरा । नेपाली बजारमा सोमबार सुनको मूल्य सामान्य घटेको छ । मूल्य घटेसँगै आज सुनको मूल्य प्रतितोला एक लाख ५२ हजार रुपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार आइतबार तोलामा एक लाख ५२ हजार तीन सय रुपैयाँमा कारोबार भएको थियो ।

सोमबार चाँदीको मूल्य पनि घटेको छ । आइतबार तोलामा एक हजार सात सय ९५ रुपैयाँमा कारोबार भएको चाँदीको मूल्य सोमबार घटेर तोलामा एक हजार सात सय ७५ रुपैयाँमा कारोबार भइरहेको छ ।