माइत हिँडेकी कौमतीको पहिरोमा परेर मृत्यु, नातिनी घाइते

डोटी । डोटीमा पहिरोमा परेर एक महिलाको मृत्यु भएको छ ।

आदर्श गाउँपालिका-३ उन्ने ओडारमा पहिरोमा परेर माइत जान लागेकी सोही वडाकी ६१ वर्षीया कौमतीदेवी ऐरको मृत्यु भएको हो ।

जिल्ला प्रहरी कार्यालयका अनुसार कौमतीदेवीको साथमा रहेकी उनकी नातिनी १२ वर्षीया भुवनेश्वरी ऐर घाइते भएकी छिन् ।

उनको स्थानीय स्वास्थ्य चौकीमा उपचार भइरहेको छ ।