ट्रकको ठक्करबाट मोटरसाइकल चालक जीवनको मृत्यु

चितवन । चितवनमा गएराति सवारी दुर्घटना हुँदा एक जनाको मृत्यु भएको छ ।

चितवनको रत्ननगर नगरपालिका वडा नं. ३ शान्तिचोकमा ना८ख २८१८ नम्बरको कन्टेनर ट्रकले वागमती प्रदेश ०६-००३ प ४८५१ नम्बरको मोटरसाइकलाई ठक्कर दिँदा दुर्घटना भएको हो ।

मृत्यु हुनेमा मोटरसाइकल चालक रत्ननगर नगरपालिका-१५ का ३४ वर्षीय जीवन मग्राती रहेका छन् ।

ट्रकको ठक्करबाट गम्भीर घाइते भएका जीवनलाई उपचारका लागि रत्ननगरको बकुलहर अस्पतालमा भर्ना गरिएको थियो । उपचारका क्रममा उनको मृत्यु भएको जिल्ला प्रहरी कार्यालय चितवनले जनाएको छ ।

ट्रक चालक बारा गढीमाई नगरपालिका-५ घर भएका ३६ वर्षीय श्याम सुन्दर सहनीलाई प्रहरीले नियन्त्रणमा लिएको छ ।