सुनको भाउ आज पनि बढ्यो

पोखरा । नेपाली बजारमा आज पनि सुनको मूल्य बढेको छ । आज सुन तोलामा दुई सय रुपैयाँले बढेको हो ।

यसअघि सोमबार एक लाख ५२ हजार दुई सय रुपैयाँमा कारोबार भएको छापावाला सुन आज एक लाख ५२ हजार चार सय रुपैयाँमा कारोबार भइरहेको छ ।

यस्तै आज चाँदीको मूल्य पनि बढेको छ । आज चाँदी तोलामा १० रुपैयाँले बढेर एक हजार सात सय ६५ रुपैयाँमा कारोबार भइरहेको सुनचाँदी व्यवसायी महासंघले जनाएको छ ।