सुनको मूल्य अहिलेसम्मकै उच्च‍, कतिमा हुँदैछ कराेबार

पाेखरा । नेपाली बजारमा सुनको मूल्य बढेर अहिलेसम्मकै उच्च स्तरमा पुगेको छ ।

सुन तोलामा एक हजारले बढेर तोलाको एक लाख ५३ हजार चार सय कायम भएको नेपाल सुनचाँदी व्यवसायी महासंघले जनाएको छ । यो सुनको अहिलेसम्मकै उच्च मूल्य हो ।

यसअघि मंगलबार सुन तोलाको १ लाख ५२ हजार चार सय रुपैयाँमा कारोबार भएको थियो । त्यस्तै आज चाँदीको मूल्य पनि बढेको छ ।

आज चाँदी तोलामा १५ रुपैयाँले बढेर एक हजार सात सय ८० रुपैयाँमा कारोबार भइरहेको महासंघले जनाएको छ ।