आँबुखैरेनीमा बस र मोटरसाइकल दुर्घटना, मोटरसाइकल चालकको मृत्यु

पोखरा । तनहुँमा सवारी दुर्घटना हुँदा एक जनाको मृत्यु भएको छ । मृत्यु हुनेमा आबुँखैरेनी गाउँपालिका वडा नं. २ एक्लेफाँटका वर्ष २८ का अश्विन सुनार रहेको प्रहरीले जनाएको छ ।

दुर्घटनामा गम्भीर घाइते भएका सुनारको आबुखैरेनी अस्पतालमा उपचारका क्रममा मृत्यु भएको जिल्ला प्रहरी कार्यालय तनहुँले जनाएको छ ।

बुधबार दिउँसो २ बजे आबुँखैरेनी गाउँपालिका वडा नं. २ नारीघाटस्थित पृथ्वीराजमार्ग सडकखण्डमा काठमाडौँबाट लमजुङ जान आउँदै गरेको ग१ख ७१४५ नम्बरको बस र विपरीत दिशाबाट जाँदै गरेको बा९१प २४५७ नं. को मोटरसाइकल एकापसमा ठोक्किएर दुर्घटना भएको हो ।

मृतक सुनार मोटरसाइकल चालक हुन् । उक्त दुर्घटनाका सम्बन्धमा थप अनुसन्धान भइरहेको जिल्ला प्रहरी कार्यालय तनहुँका प्रहरी नायव उपरीक्षक दिपक कुमार रायले जानकारी दिए ।