गगनेखोला र एसमोडमा पहिरो, कर्णाली राजमार्ग पूर्णरुपमा अवरुद्ध

जुम्ला । पहिरोले कर्णाली राजमार्ग फेरि अवरुद्ध भएको छ । राजमार्ग यसअघि पनि पटक पटक अवरुद्ध हुँदै आएको थियो ।

सडक डिभिजन कार्यालय जुम्लाका सूचना अधिकारी वीरबहादुर जिटीका अनुसार गएरातिको वर्षाले कालीकोटको शुभकालिका गाउँपालिका वडा न‌ १ स्थित गगनेखोला र एसमोडमा पहिरो आएर सडक पूर्णरुपमा अवरुद्ध भएको छ ।

राजमार्गमा निरन्तर पहिरो खस्दा आवागमनमा कठिनाइ भएको छ । सडकको अवस्था बुझेर मात्र यात्रा गर्न प्रहरीले अनुरोध गरेको छ ।

लगातार भारी वर्षा भइरहेकाले पहिरो पन्छाउन समस्या भएको प्रहरीले जनाएको छ । सडक अवरुद्ध हुँदा सवारीसाधन र यात्रु अलपत्र परेका छन् ।