पोखरा उद्योग वाणिज्य संघको ३५औँ महाधिवेशन आजदेखि

पोखरा । पोखरा उद्योग वाणिज्य संघको ३५औँ महाधिवेशन आजदेखि सुरु हुँदैछ । उद्घाटनसहित बन्दसत्र आजै सकिने कार्यक्रम छ ।

कार्यक्रमको उद्घाटन नेपाल उद्योग वाणिज्य महासंघका अध्यक्ष चन्द्रप्रसाद ढकालले गर्ने महासचिव बलराम आचार्यले जानकारी दिए ।

संघ पोखराको सबैभन्दा जेठो संस्था हो । संघको नयाँ नेतृत्व चयनका लागि शनिबार मतदान हुँदैछ ।

नयाँ नेतृत्वका लागि वर्तमान वरिष्ठ उपाध्यक्ष गोकर्ण कार्की र पूर्वमहासचिव अर्जुन पोखरेल चुनावी मैदानमा छन् ।