सुनको मूल्यमा भारी वृद्धि, आज एक लाख ५६ हजार तीन सय रुपैयाँमा कारोबार

पोखरा । नेपाली बजारमा शुक्रबार सुनको मूल्यले नयाँ कीर्तिमान बनाएको छ ।

नेपाल सुनचाँदी व्यवसायी महासंघका अनुसार अघिल्लो दिनको तुलनामा छापावाल सुनको मूल्य तोलामा तीन हजार रुपैयाँ बढेसँगै एक लाख ५६ हजार तीन सय रुपैयाँ पुगेको हो । यो मूल्य हालसम्मकै उच्च हो ।

महासंघका अनुसार बिहीबार सुनको मूल्य तोलामा एक लाख ५३ हजार तीन सय रुपैयाँ कायम भएको थियो ।

यता, शुक्रबार चाँदीको मूल्य एक हजार आठ सय ६० रुपैयाँ कायम भएको छ ।

अघिल्लो दिन चाँदीको मूल्य तोलामा एक हजार सात सय ९५ रुपैयाँ कायम भएको थियो । बिहीबारको तुलनामा शुक्रबार चाँदीको मूल्य प्रतितोला ५५ रुपैयाँ बढेको छ ।