पोउवासंघको निर्वाचनः अध्यक्ष पदमा कार्कीको फराकिलो अग्रता

पोखरा । पोखरा उद्योग वाणिज्य संघको अध्यक्षमा गोकर्ण कार्कीले फराकिलो अग्रता हासिल गरेका छन् ।

जारी मतगणनामा एक हजार तीन सय ९९ मत गणना गर्दा कार्की तीन सय २२ मतले अघि छन् ।

कार्कीले आठ सय ५४ मत प्राप्त गर्दा उनीसँगै प्रतिस्पर्धा गरेका अर्जुन पोखरेलले पाँच सय ३२ मत प्राप्त गरेका छन् ।

पोखरेल समूहबाट उपमहासचिवमा प्रतिस्पर्धा गरेका बालकृष्ण कोइरालालाई हराउँदै स्वतन्त्र उम्मेद्वारी दिएका सुदीप प्रधानांग विजयी भएका छन् ।

कार्यसमिति सदस्यमा भने आठ जना पोखरेल समूहबाटै विजयी भएका छन् ।