पोखरा बसपार्क आउेक्रममा मोटरसाइकल दुर्घटना, लमजुङका गुरुङसहित दुई जनाको मृत्यु

चितवन । चितवनमा मोटरसाइकल दुर्घटना हुँदा दुई जनाको ज्यान गएको छ ।

गएराति करिब १ः१५ बजेतिर शहीदचोकबाट पोखरा बसपार्कतर्फ जाँदै गरेको बागमती प्रदेश ०६-००२ प ३१४५ नम्बरको एनएस मोटरसाइकल भरतपुर-२, लिलाचोकमा दुर्घटनामा परेको हो ।

जिल्ला प्रहरी कार्यालय चितवनका डीएसपी भेषराज रिजालका अनुसार सो दुर्घटनामा नवलपुरको गैंडाकोट नगरपालिका वडा नं ५ कांग्रेसचोकका २६ वर्षीय रबिन थापा र लमजुङको दूधपोखरी गाउँपालिका वडा नं. ६ का ४० वर्षीय पूर्णबहादुर गुरुङको मृत्यु भएको हो ।

दुर्घटनामा गम्भीर घाइते भएका चालक थापा र मोटरसाइकलमा सवार गुरुङको चितवन मेडिकल कलेजमा उपचारका क्रममा मृत्यु भएको डीएसपी रिजालले बताए ।

दुर्घटनाबारे अनुसन्धान भइरहेको प्रहरीले जनाएको छ ।