दुर्गा प्रसाईं पक्राउ

पोखरा । मेडिकल व्यवसायी दुर्गा प्रसाईंलाई पक्राउ परेका छन् । आज दिउँसो साइबर ब्युरोको टोलीले भक्तपुरस्थित उनकै निवासबाट प्रसाईंलाई पक्राउ गरेको हो ।

प्रहरी नायब महानिरीक्षक (डीआइजी) नवीन्द अर्यालका अनुसार गत बुधबार काठमाडौँ जिल्ला अदालतबाट प्रसाईँसहित तीन जनाविरूद्ध पक्राउ पुर्जी जारी भएको थियो।

सामाजिक सञ्जालमा आपत्तिजनक अभिव्यक्ति दिएको र व्यक्तिको चरित्र हत्या गरेको भन्दै उनीमाथि उजुरी परेको थियो ।

प्रसाईंसँगै जीवन पाण्डे र प्रकाशचन्द्र दाहालविरूद्ध पुर्जी जारी भएको भएको छ ।

उनीहरूविरूद्ध विद्युतीय कारोबार ऐन अनुसारको जाहेरी परेसँगै प्रहरीले अनुसन्धान अघि बढाएको हो ।