लेखनाथ उद्योग वाणिज्य संघका सदस्यलाई यतीमा यात्रा गर्दा छुट

पोखरा । लेखनाथ उद्योग वाणिज्य संघमा आवद्ध सदस्यले यती एयरलाइन्समार्फत यात्रा गर्दा छुट पाउने भएका छन् ।

संघ र एयरलाइन्सबीच सम्झौता भएसँगै व्यवसायीले यती एयरलाइन्समार्फत यात्रा गर्दा छुट पाउने भएका हुन् ।

सम्झौता अनुसार संघका सदस्यले यती एयरमार्फत जुनसुकै ठाउँको यात्रा गर्दा १० प्रतिशत छुट पाउनेछन् ।

संघका तर्फबाट अध्यक्ष विनोद श्रेष्ठ र एयरलाइन्सको तर्फबाट पोखराका स्टेशन प्रमुख राम लामिछानेले छुटको सम्झौतापत्रमा हस्ताक्षेर गरेर कार्यान्वय गर्ने प्रतिवद्धता जनाएका हुन् ।

सम्झौता अनुसार संघका एक हजार छ सय सदस्यले परिचयपत्रका आधारमा यती एयरलाइन्सको जुनसुकै किसिमको यात्रामा पनि १० प्रतिशत छुट प्राप्त गर्नेछन् ।