पर्वतका भीम १९ वर्षपछि पक्राउ, कारागार चलान

पर्वत । जबर्जस्ती करणीसम्बन्धी कसुरमा फरार रहेका प्रतिबादीलाई पर्वत प्रहरीले १९ वर्षपछि पक्राउ गरेको छ ।

पक्राउ पर्नेमा पर्वत पैयु गाउँपालिका वडा न. २ का ५८ बर्षीय भीमबहादुर बिक भन्ने भीमबहादुर सुनार छन् ।

पर्वतका प्रहरी निरीक्षक रामप्रसाद सापकोटाका अनुसार जवर्जस्ती करणीसम्बन्धी कसुरमा बिकविरुद्ध जिल्ला अदालत पर्वतले २०६३ चैत २१ मा १३ बर्ष कैद सजायको फैसला गरेको थियो ।

विशेष सूचनाका आधारमा आइतबार जिल्ला र इलाका प्रहरी कार्यालय हुवासबाट खटिएको टोलीले विकलाई आफ्नै घरबाट पक्राउ गरेको हो ।

पक्राउ परेका विकलाई फैसला कार्यान्वयनका लागि सोमबार अदालत पेस गरी अदालतको आदेशले कारागार चलान गरिएको प्रहरी निरीक्षक सापकोटाले जानकारी दिए ।