साफ यू-१७ च्याम्पियनशिप: श्रीलंकामाथि नेपालको शानदार जित, सुजनकाे ह्याट्रिक

पाेखरा।  साफ यू-१७ च्याम्पियनशिप अन्तर्गत नेपालले श्रीलंकाविरुद्ध फराकिलो जित हासिल गर्न सफल भएको छ ।

भुटानको चाङ्लिमिथाङ रङ्गशालामा सोमबार सम्पन्न खेलमा  नेपालले  श्रीलंकालाई ४-० गोल अन्तरले पराजित गरेको हो ।

नेपालको जितमा सुजन डंगोलले ह्याट्रिक गरेका थिए भने विज्ञान खड्काले एक गोल गरेका थिए ।

प्रतियोगितामा नेपालले यसअघि शनिबार सम्पन्न पहिलो खेलमा पाकिस्तानसँग १-० गोलको हार बेहोरेको थियो ।

अब नेपालले अर्को खेल भुटानसँग बुधबार खेल्ने तालिका छ ।