आज नेपाल-ओमान भिड्दै

पाेखरा । आईसीसी विश्वकप लिग टुमा मंगलबार नेपालले ओमानविरुद्ध खेल्दै छ ।

क्यानडा भ्रमणमा रहेको राष्ट्रिय क्रिकेट टिमले दोस्रो पटक ओमानविरुद्ध खेल्न लागेको हो ।

खेल राति ८:४५ बजे शुरु हुनेछ । विश्वकप लिग टुमा खराब शुरुवात गरेको नेपाल पछिल्ला पाँच खेलमा पराजित छ ।

घरेलु टोली क्यानडासँग दुई खेल गुमाएको नेपालले ओमानविरुद्धको पहिलो खेल पनि हारेको थियो ।

लिग टुका शुरुवात सातमध्ये नेपालले एक खेलमा मात्र जित निकाल्दै दुई अङ्क जोडेको छ ।