चट्याङ लागेर खेतमा घाँस काट्दै गरेकी ४६ वर्षीया महिलाको मृत्यु, २२ वर्षीया युवती घाइते

मोरङ । मोरङमा चट्याङ लागेर मंगलबार एक महिलाको ज्यान गएको छ ।

रंगेली नगरपालिका वडा नं. ९ धनजुवाकी ४५ वर्षीया साक्रो हेमरमको चट्याङ लागेर मृत्यु भएको प्रहरीले जनाएको छ ।

मंगलबार दिउँसो धानखेतमा घाँस काट्न गएकी हेमरमको चट्याङले लागेर घटनास्थलमै मृत्यु भएको इलाका प्रहरी कार्यालय रंगेलीले जनाएको छ ।

सँगै घाँस काट्दै गरेकी करिब २२ वर्षीया बिनिता हेमरम घाइते भएकी छन्। उनको जिल्ला अस्पतालमा उपचार भइरहेको प्रहरीले जनाएको छ ।