कास्की कांग्रेसको गृहमन्त्रीसँगको भेटघाट कार्यक्रम स्थगित

पोखरा । नेपाली कांग्रेस कास्कीले बुधबार दिउँसो आयोजना गरेको भेटघाट कार्यक्रम स्थगित भएको छ ।

पार्टी सचिव भानु ढकालका अनुसार पार्टीका केन्द्रीय सदस्य तथा गृहमन्त्री रमेश लेखकसँगको भेटघाट कार्यक्रम प्रतिकुल मौसमका कारण स्थगित गरिएको हो ।

पोखरामा मंगलबारदेखि निरन्तर वर्षा भइरहेको छ । मौसमका कारण पोखरा आउने र जाने कुनै पनि हवाई उडान हुन सकेको छैन ।

गृहमन्त्री लेखक नआउने भएपछि नेपाल प्रेस युनियन कास्कीले राखेको पत्रकार भेटघाट कार्यक्रमसमेत स्थगित भएको छ ।

गृहमन्त्री लेखक सहभागी हुने भनिएको सुरक्षा समितिको बैठकबारे भने कुनै सूचना आएको छैन ।