सुनको भाउ लगातार उकालो, आज एक लाख ६० हजार चार सय रुपैयाँमा पुग्यो

पोखरा । आज बुधबार पनि सुनको भाउ बढेको छ । आज एकै दिन सात सय रुपैयाँले भाउ बढेसँगै सुनको मूल्य प्रतितोला एक लाख ६० हजार चार सय रुपैयाँ कायम भएको छ ।

नेपाल सुनचाँदी व्यवसायी महासंघका अनुसार आजको मूल्य अहिलेसम्मकै उच्च हो ।

मंगलबार छापावाल सुनको मूल्य तोलामा एक लाख ५९ हजार सात सय रुपैयाँ कायम भएको थियो ।

आज चाँदीको मूल्य पनि बढेको छ । मंगलबार तोलामा एक हजार नौ सय १५ रुपैयाँ कायम भएको चाँदीको मूल्य बुधबार बढेर एक हजार नौ सय ५५ रुपैयाँ कायम भएको हो ।