कास्कीका भट्टराई नेपाल कारखाना श्रमिक संघको महासचिवमा मनोनित

पोखरा । नेपाल ट्रेड युनियन कांग्रेससँग आवद्ध संस्था नेपाल कारखाना श्रमिक संघ राष्ट्रिय समितिको महासचिवमा कास्कीका केशवराज भट्टराई मनोनित भएका छन् ।

संघका अध्यक्ष अमृतलाल जोशीले कास्कीको रुपा गाउँपालिका वडा नं. ७ का भट्टराईलाई हालै महासचिवमा मनोनित गरेका हुन् ।

संघको संशोधित विधान २०७९ को दफा ७.५ अनुसार भट्टराई महासचिवमा मनोनित गरिएको बताइन्छ ।

भट्टराईले आफ्नो पदीय गरिमालाई कायम राख्दै संगठन सुधार र सुदृढिकरणमा महत्वपूर्ण भूमिका निर्वाह गर्ने अध्यक्ष जोशीको विश्वास छ ।