पोखरामा घर भित्रै पस्यो टिपर

पोखरा । पोखरामा गएराति ३ बजे टिपर दुर्घटनामा परेको छ ।

भुर्जुङखोलाबाट कटिङ ढुंगा बोकेर पोखरातर्फ आउँदै गरेको टिपर पोखरा-१६ को अमलाबिसौनी डाँडामा आइपुग्दा ब्रेकफेल भइ दुर्घटना दुर्घटनामा परेको हो ।

ग१ख ५२५८ नम्बरकाे  सो टिपरको ठक्करबाट स्थानीय गोविन्द बस्नेतको घर र सटरमा क्षति पुगेको छ ।

वसन्त खड्काले सञ्चालन गरेको प्रकाश फ्रेस हाउस भएको घरको सटरमा टिपर ठोक्किएको हो ।

सो दुर्घटनामा चालक राजु गिरीको खुट्टा भाँचिएको प्रहरीले जनाएको छ ।

उनको फिस्टेल अस्पतालमा उपचार भइरहेको बताइएको छ । टिपर ऋषिराम आचार्यको नाममा रहेको प्रहरीको भनाइ छ ।

प्रहरीले टिपर र ढुङ्गा नियन्त्रणमा लिएर अनुसन्धानका लागि एक्याप कार्यालय पाेखरा पठाएकाे छ ।