२२ वर्षकी युवतीलाई वनमा लगेर बलात्कार, २७ वर्षका यादव पक्राउ

दाङ । दाङमा युवतीलाई बलात्कार गरेको आरोपमा एक युवक पक्राउ परेका छन् ।

पक्राउ पर्नेमा राजपुर गाउँपालिका वडा नं २ का २७ वर्षीय रामप्रताप यादव पक्राउ परेका हुन् ।

यादवलाई लमहीबाट खटिएको टोलीले बिहीबार दिउँसो पक्राउ गरेको बताइएको छ ।

यादवले २२ वर्षीया युवतीलाई लमही नगरपालिका-७ स्थित करी सामुदायिक वनमा लगेर बुधबार बलात्कार गरेको आरोप छ ।

यादव पक्राउ परेसँगै घटनाबारे थप अनुसन्धान गरिरहेको प्रहरीले जनाएको छ ।