एसियन कप छनोट : आज बहराइनसँग खेल्दै नेपाल

पोखरा । एएफसी यू-२० एसियन कप छनोटको समूह बीको खेलमा नेपालले आज बहराइनसँग खेल्दैछ ।

खेल नेपाली समय अनुसार दिउँसो १२ः४५ बजेदेखि न्यू ताइपेइ सिटीस्थित फु जेन क्याथोलिक युनिभर्सिटी स्टेडियममा हुनेछ ।

समूह बीमा नेपालले यसअघि तीन खेल खेल्दा एक खेल मात्र जितेको थियो भने दुई खेल हारेको थियो ।

पाँच टोली सहभागी समूह बीमा नेपाल तीन खेलबाट तीन अंकसहित चौथो स्थानमा छ ।

समूहको शीर्ष स्थानमा रहेर अर्को वर्ष चीनमा हुने एएफसी यु-२० एसियन कपमा छनोट हुने नेपालको सम्भावना भने समाप्त भएकाे छ ।