पोखरा-५ मा ब्याडमिन्टन प्रतियोगिता हुने

पोखरा । पोखरा महानगरपालिका वडा नं ५ मा ब्याडमिन्टन प्रतियोगिता हुने भएको छ ।

नेपालीको महान् पर्व विजयादशमी, शुभ-दीपावली, छठ, नेपाल संवत्सहितका पर्वको अवसरमा वडा कार्यालयले प्रतियोगिता आयोजना गरेको हो ।

प्रतियोगिता असोज १६ देखि असोज १९ गतेसम्म रवीन्द्र स्मृति ब्याडमिन्टन कोर्टमा सञ्चालन हुनेछ ।

प्रतियोगितामा वडाभित्रका खेलाडीमात्र सहभागी हुन पाउने वडासदस्य गोविन्दप्रसाद पराजुलीले जानकारी दिए ।

खेलाडीलाई ए र बी क्याटेगोरीमा विभाजन गरिनेछ ।

प्रतियोगितामा ५० भन्दा बढी खेलाडीको सहभागितामा रहने अपेक्षा गरिएको वडाध्यक्ष विष्णुप्रसाद बरालले जानकारी दिए ।

प्रतियोगितामा भाग लिनेले असोज १४ गते कार्यालय समयभित्र नाम दर्ता गराइसक्नुपर्नेछ ।

दुबै क्याटगोरीको विजेताले १२ हजार, उपविजेताले सात हजार रुपैयाँ नगदसहित ट्रफी र प्रमाणपत्र प्राप्त पर्नेछन् ।

वडा कार्यालयले प्रत्येक वर्ष ब्याडमिन्टन प्रतियोगिता आयोजना गर्दै आएको छ ।