सुनको मूल्य बढेको बढ्यै, आज ६१ हजार दुई सयमा कारोबार

पोखरा । सुनको मूल्यमा लगातार वृद्धि भएको छ ।

आज सुनको मूल्य तोलामा पाँच सय रुपैयाँले बढेर तोलाको एक लाख ६१ हजार दुई सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

सुनको यो मूल्य अहिलेसम्मकै उच्च हो । यसअघि बिहीबार सुनको मूल्य एक लाख ६० हजार सात सय रुपैयाँ पुगेको थियो ।

त्यस्तै आज चाँदीको मूल्य भने स्थिर रहेको छ ।

आज चाँदीको मुल्य एक हजार नौ सय ५५ रुपैयाँमा कारोबार भएको महासंघले जनाएको छ ।