शिगेरु इशिबा जापानको नयाँ प्रधानमन्त्री बन्ने

पोखरा । जापानको नयाँ प्रधानमन्त्री शिगेरु इशिबा बन्ने भएका छन् ।

सत्तारुढ लिबरल डेमोक्रेटिक पार्टी (एलडीपी) का नेता फुमियो किशिदापछि जापानको भावी प्रधानमन्त्रीको नाम अनुमोदन भएको हो ।

मिडिया रिपोर्टका अनुसार उनी पूर्वरक्षामन्त्रीसमेत हुन् ।

शुक्रबार इसिबा जापानको सत्तारुढ एलडीपी र देशको नेतृत्वमा निर्वाचित भएका हुन् ।

संसदको तल्लो सदनमा पार्टीको पूर्ण नियन्त्रण रहेकाले इसिबा अब जापानको प्रधानमन्त्री बन्ने निश्चित भएको छ ।

जापानको लोकतान्त्रिक प्रणालीमा संसदको तल्लो सदनलाई निकै शक्तिशाली मानिन्छ ।

६७ बर्षीय इशिबाले पहिलो र दोस्रो चरणको मतदानमा आर्थिक सुरक्षा मन्त्री साने ताकाइचीलाई हराएका हुन् ।

पार्टी नेताको निर्वाचनमा पाँचौं पटकमा इसिबाले जित हासिल गरेका छन् ।