पृथ्वीराजमार्ग विभिन्न ठाउँमा अबरुद्ध, अत्यावश्यक बाहेक यात्रा नगर्न आग्रह

पोखरा । बिहीबार साँझदेखि परेको अविरल वर्षाका कारण देशका सयौँ सडक खण्ड पहिरोले अवरुद्ध भएका छन् ।

सो क्रममा पृथ्वीराजमार्गको मुग्लिन-काठमाडौँ सडक खण्डमा एक दर्जन भन्दा बढी स्थानमा पहिरो जाँदा सडक अवरुद्ध भएको छ ।

यस सडकखण्डमा कोइराले, आठ किलो, नागढुङ्गा, सुरुङमार्गलगायतका ठाउँमा खसेको पहिरोका कारण यातायात अवरुद्ध भएको छ ।

प्रहरीले पहिरो पन्छाएर सडक चालु गर्ने प्रयास जारी रहेको बताए पनि तत्काल सडक खण्ड चालु हुने सम्भावना कम छ । वर्षा नरोकिएकाले अत्यावश्यक बाहेक यात्रा नगर्नसमेत प्रहरीले आग्रह गरेको छ ।

आइतबारसम्मै वर्षा हुने भएकाले सचेतना अपनाउन पनि आग्रह गरिएको छ ।