नौ किलोमा सडक भासियो, गाडी पल्टियो, नारायणगढ-मुग्लिङ्ग सडक पूर्णरूपमा अवरुद्ध

चितवन । नारायणगढ-मुग्लिङ्ग सडक खण्डअन्तर्गत ९ किलोमा सडक भासिएको छ ।

सडक दबेका कारण सवारीसाधन आवागमन पूर्णरूपमा अवरोध भएको सडक डिभिजन कार्यालय भरतपुरले जानकारी दिएको छ ।

सडक भासिएको ठाउँमा एउटा गाडी पल्टिएको छ ।

भाँसिएको ठाउँमा ग्रावेल फिलिङ्ग गरी मर्मतको कार्य हुँदै गरेकोले उक्त सडक खण्डमा आवश्यक सावधानीका साथ सजकता अपनाई प्रयोग गर्न सडक डिभिजन कार्यालयले अनुरोध गरेको छ ।

लगातारको वर्षाको कारणले गएराति यस सडकमा यातायातमा रोक लगाइएको थियो ।