पहिरोले घर पुरिँदा दुई महिलाको घटनास्थलमै मृत्यु

पोखरा । अविरल वर्षासँगै घरमाथिबाट आएको पहिरोले घर पुरिँदा काभ्रेपलाञ्चोकको तेमालमा दुई जनाको घटनास्थलमै ज्यान गएको छ ।

आज बिहान २ः५० बजे तेमाल गाउँपालिका वडा नं. ७ बस्ने भीमबहादुर तामाङको एक तले घर पुरिएको हो ।

पहिरोले पुरिँदा ५० वर्षीया पातली र ४० वर्षीया नक्कली तामाङको मृत्यु भएको जिल्ला प्रहरी कार्याललय काभ्रेले जनाएको छ ।

प्रहरी र स्थानीयको सहयोगमा पुरिएको स्थानबाट उनीहरुको शव निकालिएको हो ।