हवाई उडान आज पनि प्रभावित

पोखरा । निरन्तरको वर्षाका कारण आन्तरिकतर्फको हवाई उडान आज पनि प्रभावित भएको छ ।

वर्षाकै कारण आज पनि बिहानैदेखि आन्तरिकतर्फको उडान प्रभावित भएको त्रिभुवन विमानस्थल कार्यालयले जनाएको छ ।

मौसम खराबीका कारण पोखरा, जनकपुर, सिमरा, धनगढीलगायत अधिकांश विमानस्थलमा उडान हुन नसकेको त्रिभुवन विमानस्थल कार्यालय प्रवक्ता रिन्जी शेर्पाले जानकारी लिए ।

त्रिभुवन विमानस्थल कार्यालय खुले पनि बाहिरका विमानस्थलको भिजिबिलिटी कमजोर भएका कारण त्रिभुवन अन्तर्राष्ट्रिय विमानस्थलबाट उडान हुन नसकेको बताइएको थियो ।

अन्तर्राष्ट्रिय उडान र अवतरण भने भइरहेको छ ।

हिजो त्रिभुवन अन्तर्राष्ट्रिय विमानस्थलमा अहिलेको भिजिबिलिटी तीन हजार रहेको थियो । भिजिबिलिटी एक हजार ६ सय भन्दा माथि भएमा विमान उडाउन र अवतरण गर्न सकिनेछ ।

पोखरा अन्तर्राष्ट्रिय विमानस्थल स्रोतका अनुसार हिजो यहाँबाट पनि कुनै पनि उडान हुन सकेन ।

बिहीबार साँझदेखि आजसम्म पोखरामा निरन्तर वर्षा भइरहेको छ ।