मलेखु धादिङबेसी सडक पहिरोले अबरुद्ध

धादिङ । धादिङबेसी मलेखु सडक (कालुपाण्डे मार्ग)  अन्तर्गत नीलकण्ठ नगरपालिका-८ दारेगौँडा र साँघुटारमा पहिरो खसेर सडक अबरुद्ध भएको छ ।

अविरल बर्षाको कारण शनिबार बिहान ढुंगामाटो र रुखसहित ठूलो पहिरो खसेपछि सडक मा सवारी आवागमन रोकिन पुगेको हो ।

पहिरोले ढुंगा र रुख खसेकोले तत्काल बाटो खुलाउन कठिन रहेको जिल्ला प्रहरी कार्यालय धादिङका प्रहरी निरिक्षक प्रल्हाद सिलवालले जानकारी दिए ।

पहिरो खसेको दुबै ठाउँमा साँघुरो र घुम्ती भएकोले जोखिम अत्याधिक छ।

जिल्ला सदरमुकाम धादिङबेसीलाई पृथ्वीराजमार्गसंग जोड्ने धादिङबेसी मलेखु सडक(कालुपाण्डे मार्ग) अवरुद्ध हुँदा सदरमुकामबाट काठमाण्डौं, नारायणगढ, पोखरालगायत अन्य स्थानतर्फ छुटेका र विभिन्न स्थानबाट सदरमुकाम आएका सवारीसाधन बाटोमै रोकिएका छन् ।