झ्याप्ले खोलामा पुरिएको बसभित्र १४ शव भेटियो

पोखरा । धादिङको झ्याप्ले खोलामा सडक माथिबाट आएको पहिरोमा पुरिएको दुईवटा बस बाट १४ जनाको शव निकालिएको छ ।

शनिबार बिहान पहिरो जाँदा माइक्रोबस पुरिएका थिए । जसमा लु१ज ४५७८ नम्बरको माइक्रोबसबाट पाँच शव निकालिएको प्रहरीले जनाएको छ ।

यसैगरी सोही ठाउँमा पुरिएको नम्बर पहिचान गर्न नसकिएको बसबाट नौ जनाको शव निकालिएको प्रहरीले जनाएको छ ।

पुरिएका बस शनिबार साँझ एक्साभेटरको सहायताले निकालिएको थियो ।

पहिरोमा अन्य बस पनि पुरिएको आशंका गरिएको छ ।