क्यानडाद्वारा नेपाललाई एक सय २४ रनको लक्ष्य

पोखरा । त्रिकोणात्मक टी २० आई सिरिजअन्तर्गत पहिलो खेलमा क्यानडाले नेपाललाई एक सय २४ रनको लक्ष्य दिएको छ । टस हारेर पहिला ब्याटिङको निम्तो पाएको क्यानडाले २० ओभरमा आठ विकेट गुमाउँदै एक सय २३ रन बनायो ।

क्यानडा साद बिन जाफरले १८ बलमा तीन चौकासहित सर्वाधिक २३ रन बनाए । श्रेयस मोभ्भाले २३ बलमा एक चौका र एक छक्कासहित २२, आरोन जोनसन नौ, नवनित धालिवाल १४, निकोलस किर्टोन पाँच र हर्ष ठाकेरले एक रन बनाए । तल्लोक्रममा प्रविन कुमारले १३ बलमा दुई छक्कासहित १९ तथा अखिल कुमारले १४ रन बनाए ।

नेपालका स्पिनर सन्दीप लामिछानेले चार ओभरमा २९ रन खर्चेर तीन विकेट लिए । सोमपाल कामीले चार ओभरमा ३० रन खर्चेर तीन विकेट लिए ।

दीपेन्द्रसिंह ऐरीले चार ओभरमा ११ रन खर्चेर एक विकेट लिए । डेब्यू गरेका बलर रिजन ढकालले चार ओभरमा ३१ रन खर्चेर एक विकेट लिए ।