राष्ट्रिय संगीतकर्मी संघको संस्थागत प्रशिक्षण, नेतृत्व विकास तथा उद्घोषणकला तालिम

पोखरा । राष्ट्रिय संगीतकर्मी संघ कास्कीको आयोजनामा संस्थागत प्रशिक्षण, नेतृत्व विकास तथा उद्घोषणकला तालिम भएको छ ।

तालिममा सहभागीलाई राष्ट्रिय संगीतकर्मी संघ गण्डकी प्रदेश उपाध्यक्ष सागर कार्की तथा पत्रकार सुशील नेपालीले प्रशिक्षण दिएका थिए ।

प्रशिक्षणपश्चात् प्रशिक्षार्थी रोशन बुढामगर तथा कञ्चन सुनारले आफूमा आत्मविश्वास बढेको र अब ढुक्कले आफ्ना विचार राख्न सक्ने प्रतिक्रिया दिए ।

कार्यक्रमका नेपाल दलित मुक्ति संघ केन्द्रीय सदस्य रोशनी बर्देवाले कलाकार देशका गहना भएको बताइन् । उनले यस्ता कार्यक्रमले निखारता ल्याउने र कार्यक्रम निरन्तर गर्नुपर्ने बताइन् ।

संघका केन्द्रीय सदस्य ऋषिराम दाहालले संस्था विधि वधानमा चल्नुपर्ने र सहकार्य गरेर अघि बढ्नुपर्ने बताए ।

कार्यक्रममा प्रदेश उपाध्यक्ष सागर कार्की, विशेष अतिथि जुमबहादुर परियारले पनि बोलेका थिए ।

संस्थाका अध्यक्ष सुनील गायकको अध्यक्षतमा भएको कार्यक्रममा प्रथम उपाध्यक्ष कपिल श्रेष्ठले स्वागत र सञ्चालन द्वितीय उपाध्यक्ष राजन सुवेदीले गरेका थिए ।