नेपालद्वारा ओमान सामू एक सय ७७ रनको लक्ष्य प्रस्तुत

पोखरा । त्रिकोणात्मक टी-२० आई सिरिजमा नेपालले ओमान सामू एक सय ७७ रनको लक्ष्य प्रस्तुत गरेको छ ।

टस हारेर पहिला ब्याटिङमा उत्रिएको नेपालले पूरै २० ओभर खेलेर छ विकेट गुमाउँदै एक ७६ रन बनाउन सफल भएको हो ।

जसमा गुलशन झाले ४० रनको योगदान दिए । दीपेन्द्रसिंह ऐरीले १८ रन, आसिफ शेख र अनिल साहले २७-२७ रनको योगदान दिए ।

देव खनाल र कप्तान रोहित पौडेल भने दुई, दुई रनमै आउट भए । यस्तै कुशल मल्ल ३० तथा कुशल भुर्तेल २० रनमा आउट भए ।

ओमानका अकिब इलियासले तीन तथा सकिल अहमद, फयाज बट र जिशान मकसुदले एक, एक विकेट लिए ।

नेपालको यो दोस्रो खेल हो । आइतबार भएकाे पहिलाे खेलमा आयोजक क्यानडासँग नेपाल १४ रनले पराजित भएको थियो ।