प्रधानमन्त्री आज स्वदेश फर्किँदै

पाेखरा। संयुक्त राष्ट्रसंघको ७९औँ महासभामा भाग लिन अमेरिका गएका प्रधानमन्त्री केपी शर्मा ओली आज स्वदेश फर्किँदै छन् ।

प्रधानमन्त्री आज दिउँसो ४ बजे स्वदेश आइपुग्ने कार्यक्रम छ ।

आजै साँझ ५ बजे मन्त्रिपरिषद् बैठक बोलाएको प्रधानमन्त्रीको सचिवालयले जनाएको छ ।

आजको बैठकमा प्रधानमन्त्रीले बाढी पहिरोको क्षतिका बारेमा मन्त्रीहरूसँग जानकारी लिनेछन् ।

गत असोज ४ गते  न्युयोर्क गएका प्रधानमन्त्रीले असोज १० गते महासभालाई सम्बोधन गरेका थिए ।

न्युयोर्कमा रहँदा प्रधानमन्त्रीले विभिन्न देशका नेतासँग साइडलाइन भेटवार्तासमेत गरेका थिए ।