छविलाल जोशीको पक्राउविरुद्ध सर्वोच्चमा बन्दी प्रत्यक्षीकरणको रिट

पोखरा । सहकारी ठगी प्रकरणमा पक्राउ परेका पूर्व डीआईजी छविलाल जोशीलाई गैरकानूनी रुपमा थुनामा राखिएको भन्दै सर्वोच्च अदालतमा बन्दी प्रत्यक्षीकरणको रिट परेको छ ।

अधिवक्ता रोचक जोशीले आइतबार सर्वोच्चमा बन्दी प्रत्यक्षीकरणको निवेदन दिएका हुन् । सो निवेदनमाथि आज सुनुवाइ हुँदैछ ।

सो रिट सुनुवाइका लागि सर्वोच्चका न्यायाधीश तिलप्रसाद श्रेष्ठको इजालसमा पेशी तोकिएको छ ।

सहकारी ठगीमा पक्राउ परेका गोरखा मिडियाका संचालकसमेत रहेका जोशीलाई कास्की जिल्ला अदालतले पहिलो पटक पाँच दिन र दोस्रो पटक सात दिन थुनामा राखेर अनुसन्धान गर्न अनुमति दिएको छ ।

उनी पोखरास्थित सूर्यदर्शन सहकारी संस्थाको बचत रकम हिनामिना गरेको आरोपमा काठमाडौंमा पक्राउ परेका हुन् । उनलाई पोखरा ल्याएर अदालत पेश गरिएको हो ।