मलेखु नजिकै ठूलो सुक्खा पहिरो खस्यो, पृथ्वी राजमार्ग पूर्णरुपमा अवरुद्ध

पोखरा । धादिङको मलेखु नजिकै पहरेघाटमा सुक्खा पहिरो खस्दा पृथ्वी राजमार्ग अवरुद्ध भएको छ ।

सोमबार राति ८ बजे खसेको पहिरोले राजमार्ग अवरुद्ध भएसँगै दुवैतर्फका सवारी आवागमन रोकिएको छ ।

पहिरो निकै ठूलो रहेको र पहिरो झरिरहेकाले पन्छाउन समय लाग्ने बताइएको छ ।

पहिरो पन्छाउन निर्माणाधीन सडक आयोजनाको मेसिन मगाइसकिएको प्रहरीले जनाएको छ ।

यता, गजुरी गाउँपालिकाको पहरे भिरमा सुक्खा पहिरो खस्दा राजमार्ग दुवैतर्फ अवरुद्ध भएको बताइन्छ ।