गढीमाइ मेला व्यवस्थापन समिति गठन

बारा । पञ्चवर्षीय गढीमाइ मेला सञ्चालन गर्न समिति गठन गरिएको छ । आगामी मङ्सिरमा लाग्ने मेलालाई सभ्य, भव्य बनाउन महागढीमाइ नगरपालिकाका नगरप्रमुख उपेन्द्र यादवको अध्यक्षतामा एक सय ११ सदस्यीय समिति गठन गरिएको हो ।

समितिको उपाध्यक्षहरुमा मनोजकुमार गुप्ता, रामचन्द्रप्रसाद साह, रामबाबुप्रसाद यादव र कलैश महतो चयन हुनुभएको नवगठित मेला समितिका अध्यक्ष उपेन्द्र यादवले जानकारी दिए ।

समितिको महासचिवमा वीरेन्द्रप्रसाद यादव, नरेशप्रसाद जयसवाल, उपेन्द्रप्रसाद गुप्ता, सचिवमा उमरावती देवीलहेरीन, नितुकुमारी गुप्ता र कोषाध्यक्षमा वीरेन्द्रप्रसाद चौरसिया चयन भएका छन् ।

समितिको सदस्यमा सबै राजनीतिक दलका प्रतिनिधि, १६ वटा पालिकाका प्रमुख र उपप्रमुख छन् । गढीमाइ मेलामा एसिया महादेशका अधिकांश ठाउँबाट मेला भर्न तीर्थयात्री आउने गर्दछन् ।