खोलाले बगाउँदा श्रीमतीको मृत्यु, श्रीमानको उद्धार

काभ्रे । रामेछापबाट काठमाडौँ हिँडेका दम्पतीलाई काभ्रेको रोशी गाउँपालिकास्थित भ्याकुरे खोलाले बगाउँदा श्रीमतीको मृत्यु भएको छ भने श्रीमानलाई प्रहरीले उद्धार गरेको छ ।

खोलाले बगाउँदा रामेछापको खाँडादेवी गाउँपालिका-३ की ३५ वर्षीया अन्जु बस्नेत माझीको मृत्यु भएको हो । रोशीखोलास्थित माम्ती नजिकै उनको शव भेटिएको प्रहरीले जनाएको छ ।

अञ्जुका श्रीमान शिवराम माझीलाई उद्धार गरेर हेलिकप्टरमार्फत धुलिखेल अस्पताल ल्याइएको छ ।