शीर्षस्थानको नेपालले आज क्यानडासँग खेल्दै, खेल जिते फाइनलमा पुग्ने

पाेखरा। त्रिकोणात्मक टी-२० क्रिकेट श्रृंखलामा आज नेपालले आयाेजक क्यानडासँग खेल्दैछ ।

खेल राति ९ः४५ बजे शुरु हुनेछ । अहिलेसम्म तीन वटै टिमले दुई-दुई खेल खेलेका छन् जसमा सबैले एक खेल जितेका छन् ।

एक खेल जितेकाे नेपाल दुइ अंकसहित शीर्ष स्थानमा छ ।

नेपालले पहिलो खेलमा क्यानडासँग हार बेहोरेको थियो भने दोस्रो खेलमा ओमानलाई हराएको थियो ।

यस्तै क्यानडाले पहिलो खेलमा नेपाललाई हराउँदा दोस्रो खेलमा गएराति ओमानसँग हार बेहोरेसँगै पुछारमा झरेको छ ।

आजको खेल जिते नेपालको फाइनल मजबुत हुनेछ ।

गएराति सम्पन्न खेलमा ओमानले क्यानडालाई आठ विकेटले पराजित गरेको हो ।

क्यानडाले दिएको एक सय सात रनको लक्ष्य ओमानले १५ ओभरमा दुइ विकेट गुमाउँदै पूरा गरेको थियो ।

यसअघि टस हारेर पहिला ब्याटिंग गरेको क्यानडाले १९दशमलव पाँच ओभरमा अल आउट हुँदै एक सय छ रन बनाएको थियो ।